வீட்டுக்கொல்லையில் அமர்ந்திருந்த என்னைத்
தொட்டுத் தழுவி
இரவின் இருளை
நக்கித் துடைத்து
எனது பச்சையத் தடாகத்தை முன்மொழிகிறான் அதிகாலைச் சூரியன்
உன் கள்ளூறிய விழிகளில்
உறங்கிமுடித்து
விருட்டெனப் பறந்த வெட்டுக்கிளி
என் தடாக நீரை அள்ளிப் பருகுகிறது
தீக்குச்சிகளைக் கொட்டிவிட்டு
தீப்பெட்டியோடு காத்திருக்கிறேன்
உன்னைப் பிடிக்க
உன் ஒற்றை உந்துதலில்
நமுத்துப் போகின்றன
எனது தீக்குச்சிகள்
கருத்துகள் இல்லை:
கருத்துரையிடுக